Sáme giela Nordlándan

Nordlándan li dålusj rájes dá sáme giela gávnnum: oarjjel-, ubbmem-, bihtám-, julev- ja ja nuorttasámegiela. Nordlánda fylkkasuohkanin la sierralágásj åvdåsvásstádus julev- ja bihtámsámegielaj åvdås gå dá giela gávnnuji dåssju Nordlándan, duodden oarjjelsámegiellaj mij la oassen sáme giellaháldadimguovlos.

Guokta suohkana Nordlándan li sáme giellaháldadimguovlon: Hábmer-Hamarøy ja Aarborte-Hattfjelldal.  Dá suohkana li julev- ja oarjjelsáme giellaguovlon. Gå dá guokta suohkana li oassen sáme giellaháldadimguovlos, de la Nordlánda fylkkasuohkan aj oassen guovlos.

Nordlánda fylkkasuohkan barggá sámegielaj moatten dásen. Badjásasj dásen barggap duola degu Aktisasjbargo sjiehtadusá baktu Sámedikkijn ja sjiehtadusáj baktu Nordlánda sáme giellaguovdátjij, Nordlánda Giellaguojme. Aktisasjbargo sjiehtadusán Sámedikkijn la sebrudakulmme nannit, vuojnnusij buktet ja åvddånahttet sáme gielajt, kultuvrav ja sebrudakiellemav. "Nordlánda giellaguojme" aktisasjbargon la sebrudakulmme strategalasj vuorodibme Nordlánda sáme gielajs, lagáp aktisasjbarggo Nordlánda fylkkasuohkana ja sáme giellaguovdátjij gaskan, nannit giellaguovdátjij vejulasjvuodajt ietjasa vuorodimijt åvddånahttet, ja aktisasj ja dåbmaris adno ressursajs ja rudájs.