Sámegielat Nordlánddas

Nordlándda fylkkasuohkanis lea erenoamáš ovddasvástádus julevsámegiela ja bihtánsámegiela ovddas, go dát gielat leat dušše Nordlánddas, earret lullisámegiela mii lea oassin dálá sámi giela hálddašanguovllus.

Guokte gieldda Nordlánddas leat siskkobealde sámi giela hálddašanguovllu, Hábmer-Hamarøy ja Aarborte-Hattfjelldal. Dát gielddat gullet julevsámi ja lullisámi giellaguvlui. Dannego gielddat leat oassin sámi giela hálddašanguovllus, de guoská hálddašanguovlu maiddái Nordlándda fylkkasuohkanii.

Nordlándda fylkkasuohkan bargá sámegielaiguin máŋgga dásis. Bajit dásis bargat mii earret eará Ovttasbargošiehtadusain mii mis lea Sámedikkiin ja šiehtadusaiguin mat mis leat sámi giellaguovddážiiguin Nordlánddas, “Språkpartnerskap Nordland”. Ovttasbargošiehtadusas Sámedikkiin lea servodatulbmil nannet, čalmmustuhttit ja ovdánahttit sámi gielaid, kultuvrra ja servodateallima. "Språkpartnerskap Nordland":s lea servodatulbmil vuoruhit sámegielaid Nordlánddas strategalaččat, lávggat ovttasbarggu gaskal Nordlándda fylkkasuohkana ja sámi giellaguovddážiid, lávggat ovttasbarggu gaskal giellaguovddážiid, nannet giellaguovddážiid vejolašvuođa ovdánahttit iežaset vuoruhansurggiid, ja geavahit resurssaid ja váikkuhangaskaomiid ovttastahtton ja beaktilit.