OBS! Nettleseren din er utdatert. Vi anbefaler at du laster ned en annen, moderne nettleser som Google Chrome, Firefox eller Microsoft Edge.

IMPORTANT! Your browser is out of date. We recommend that you download a more modern browser like Google Chrome, Firefox or Microsoft Edge.

Maid mii dahkat

"" - Klikk for stort bilde

 

Nordlándda fylkkasuohkan bargá viidát ja fágaidrasttideaddji sámi áššiiguin, nu mo min  servodatovdánahttinrolla lea.

2 nieidda gávttiin čiŋadan - Klikk for stort bilde Susanne Forsland  

Lea Servodatovdánahttima ossodagas, Dáidda- ja kulturovdánahttima juhkosis mas lea ovddasvástádus sámi áššiide. Buot fylkkasuohkana ossodagain lea goitge ovddasvástádus ovdánahttit, nannet ja čalmmustuhttit sámi gielaid, kultuvrra ja servodateallima.

Ovttasbargošiehtadus Sámedikkiin

Nordlándda fylkkasuohkan ja Sámediggi lea čállán ovttasbargošiehtadusa mii guoská áigodahkii 2019-2022. Ovttasbargošiehtadus galgá láhčit diliid bistevaš ovttasbargui mii guoská sápmelaččaide ja sámi guovlluide Nordlándda fylkkas, ja daid ovttas vuoruhit. Šiehtadusas leat sierra čuoggát čuovvovaš áššiid birra:

  • Sámegielat (doahttalit Sámelága giellanjuolggadusaid, dulkon, sámi giellaguovddáš, sámi báikenamat, diehtojuohkin vuoigatvuođat ja geatnegasvuođaid birra mat leat čatnon šiehtadussii mat gullet sámegielaide)
  • Sámi kultuvra ja servodateallin (oahpahus, ealáhus, kultuvra, sámi mánát ja nuorat, kulturmuitohálddašeapmi, regionála plánen ja areálahálddašeapmi, álbmotdearvvašvuohta, gávpotpolitihkka, ekonomiija)
  • Ovttasbarggu hápmi (geatnegasvuođat, čoahkkimat, raporteremat)

 

Fylkkadearvvašvuođaiskkadeapmi 2020

2020:s čađahii Nordlándda fylkkasuohkan vuosttaš fylkkadearvvašvuođaiskkadeami mas loaktin ja eallinárvu deattuhuvvo. Iskkadeami bohtosat čájehit mo olbmuid mielas lea orrut Nordlánddas ja man duhtavaččat sii leat iežaset dearvvašvuođain, báikegoddeovdánemiin ja fálaldagaiguin orrun- ja lagasbirrasis. Iskkadeamis lei sámi lassimodula, Sámi dearvvašvuođadutkan gieđahalai bohtosiid. Bohtosat čájehit ahte sámi álbmogis gaskamearálaččat ledje vuollegat logut go álbmogis muđui, erenoamážit dasa mii guoská vealaheapmái, dearvvašvuhtii, eallinvuohkái, eallindillái ja eallinárvui. Sáhtát lohkat eanet iskkadeami birra dáppe: Nordlándda fylkkadearvvašvuođaiskkadeapmi - Nordlándda fylkkasuohkan (nfk.no) (PDF, 4 MB)

 

Sámegieloahppu

Nordlándda fylkkasuohkan fállá sámegieloahpahusa joatkkaskuvladásis. Lea fylkkasuohkana ovddasvástádus, skuvlaeaiggádin, ahte ohppiid vuoigatvuođat sámegielohppui duohtan dahkkojuvvojit: liŋka siidui Oahppoossodat

 

Fylkkagirjerádju

Fylkkagirjerádju galgá dagahit ahte girjerájuin vuoruhit gaskkustit sámegielaid, sámi girjjálašvuođa ja kultuvrra vel ain eanet. Fylkkagirjerádju lea earret eará vuoruhan ahte sámegielat oidnojit buoret girjerájuin, sámegielat galbema bokte, dasa lassin geavahit digitála geavahanvuogádagaid čalmmustahttit ja gaskkustit sámi girjjálašvuođa. Go Nordlándda fylkkagirjeráju doaibmaplána ráhkaduvvui, háliidii fylkkagirjerádju kártet makkár dilli sámi girjjálašvuođas ja gaskkusteamis girjerájuin lei. Kárten lea maiddái čuovvuleapmi dan ovttasbargošiehtadussii mii lea gaskal Nordlándda fylkkasuohkana ja Sámedikki. Fylkkasuohkana vuolggasadji lei sámi kárten mii čađahuvvui 2015:s, ja raporttas leat maid oktasašvuođat. Vai sáhtii čađahit doaibmabijuid ráhkaduvvui jearahallaniskkadeapmi mii sáddejuvvui fylkka álbmotgirjerájuide. Dál lea raporta čállon, ja gávnnat dan dáppe; sámi gaskkusteapmi, raporta 2020

 

Sámi ásahusat Nordlánddas

Mis leat máŋga sámi ásahusa Nordlánddas. Várdobáiki sámi guovddáš lea Skániin, muhto bálvala maiddá sámi álbmoga Nordlánddas. Sis lea musea, giellaguovddáš, mánáidgárdi, galleriija, prošeavttat ja sii deattuhit erenoamážit sámi dearvvašvuođaáššiid.

Árran julevsámi guovddáš lea Hábmeris. Árranis leat kulturdoaimmat, giellaguovddáš, musea ja lágádusdoaimmat. Sis lea maiddái sierra mánáidgárdi man leat sierra fitnodahkan sirren.

Stormen sámi guovddáš lea Bådådjos ja jođiha sámi giellaguovddáža, dasa lassin láhčet sámi doaimmaid gávpogis.

Duoddara Ráfes - bihtánsámi guovddážis leat kantuvrrat Dokmos Báidáris. Duoddara Ráfe lágida doaimmaid nu mo logaldallamiid ja kurssaid, ja lanjat Dokmos lea sámi deaivvadanbáiki guovllu sámi álbmogii.

Sijti Jarnge lea Aarbortes. Sijti Jarnges leat kulturdoaimmat, giellaguovddáš, gaskkustit lullisámi girjjálašvuođa ja čađahit prošeavttaid.